சிறுவர் தின விழா

(எம்.சி.அன்சார், ஏ.ஜே.எம்.ஹனீபா)

சர்வதேச சிறுவர் தினத்தினை முன்னிட்டு சம்மாந்துறை வலய கல்வி அலுவலகம் மற்றும் இலங்கை ஒலிபரப்புக் கூட்டுத்தாபனம் ஆகியன இணைந்து ஏற்பாடு செய்த சிறுவர் தின விழா இன்று சம்மாந்துறை அல்-மர்ஜான் மகளிர் கல்லூரியில் நடைபெற்றது.

வலய கல்வி பணிப்பாளர் எம்.கே.எம்.மன்சூர் தலைமையில் நடைபெற்ற இந்நிகழ்வில் கிழக்கு மாகாண சபை உறுப்பினர் எஸ்.புஷ்பராசா, சம்மாந்துறை பிரதேச சபையின் தவிசாளர் எம்.எம்.ஏ.நௌஷாட் உள்ளிட்ட பலர் கலந்துகொண்டனர்.

சம்மாந்துறை முஸ்லிம் மத்திய மகா வித்தியாலயத்திலிந்து ஆரம்பித்த சிறுவர் ஊர்வலம் அல்-மர்ஜான் மகளிர் கல்லூரியில் வரை இடம்பெற்றது. இதில் சம்மாந்துறை, இறக்காமம் மற்றும் நாவிதன்வெளி ஆகிய கோட்டங்களிலிருந்து 68 பாடசாலை மாணவர்கள் கலந்துகொண்டனர்.

இதன்போது 'சிறுவர்களை வேலைக்கு அமர்த்துவதை தவிர்ப்போம், உங்கள் பிள்ளைகளைப் போன்று எல்லா பிள்ளைகளையும் பாடசாலைக்கு செல்ல உதவுவோம், கல்வி எல்லாப் பிள்ளைகளின் உரிமையாகும் அதைப் பெற அனைவரும் உதவுவோம்ஷ என்ற வாசகங்கள் அடங்கிய பதாகைபளை ஏந்தியவாறு மாணவர்கள் ஊர்வலமாக சென்றனர்.