யானை தாக்கி விவசாயி பலி

(எஸ்.மாறன்)

அம்பாறை மாவட்டத்தின் அக்கரைப்பற்று வீதியில் எட்டாவது மைல்கல் பிரதேசத்தில் யானை தாக்கியதன் காரணமாக விவசாயி ஒருவர் சம்பவ இடத்தில் பலியானதாக தமனப் பொலிஸார் தெரிவித்தனர்.

வானகம பிரதேசத்தைச் சேர்ந்த எம்.தாவூத் (வயது 45) என்ற குடும்பஸ்தரே இவ்வாறு பலியானவர் ஆவார்.

நேற்று செவ்வாய்க்கிழமை  மாலை 4.15 மணியளவில் இவ்விவசாயி வயலுக்கு சென்றுகொண்டிருந்தபோது திடீரென எதிரில் வந்த யானை அவரைத் தாக்கியதாகவும் பொலிஸார் கூறினர்.

சடலம் பிரேத பரிசோதனையின் பின்னர் உறவினர்களிடம் ஒப்படைக்கப்பட்டதாக தமன பொலிஸார் குறிப்பிட்டனர்.