கடினமாக உழைத்து சம்பாதித்ததை தூக்கி எறிய வேண்டாம்

கடினமாக உழைத்து சம்பாதித்ததை முதலீடு எனும் வலையை வீசுகின்ற வலையமைப்புகளில் சிக்கி சின்னாப்பின்னமாகி தவிப்பதை விடவும், முறையான நிதிநிறுவனங்கள், வங்கிகளில் வைப்பிடுவதன் ஊடாக, ஓய்வுகாலத்தில் நிம்மதியாக வாழமுடியும். எனினும், கூடிய இலாபத்தை மட்டுமே இலக்காக கொண்டவர்கள் பலரும், அந்த வலைக்குள் சிக்கிவிடுகின்றனர்.

வலையில் சிக்கவைப்பதற்காக, கண்கவர் அறிவிப்புகள், மனதை தொடும் வார்த்தைகளை, அவ்வாறான நிறுவனங்களைச் சேர்ந்தவர்கள் அள்ளிவீசுவார்கள். இறுதியில், இருந்ததையும் இழந்துவிட்டு, நடுத்தெருவில் நிற்கவேண்டிய நிலைமை பலருக்கும் ஏற்பட்டுள்ளது. அவ்வாறான ஏமாற்று பேர்வழிகள் ‘பிரமிட்டு’ எனும் பெயரில் திட்டங்களை வகுத்து அப்பாவிகளை ஏமாற்றிவிடுகின்றனர்.

‘பிரமிட்டு’ பணம் கொள்ளையடிக்கும் கும்பலாகும்.  குருணாகல் பகுதியில் இவ்வாறுதான் மோசடியான  நிதி நிறுவனத்தை நடத்திச்சென்று, வெளிநாட்டுக்கு தப்பியோடி தலைமறைவாகியிருந்துவிட்டு மீண்டும் நாடுதிரும்பிய நபரும், அவரை அழைத்துச் செல்வதற்கு விமான நிலையத்துக்குச் சென்றிருந்த மனைவியும் கைது செய்யப்பட்டுள்ளனர்.

எளிதான வழிகளைத் தேடுபவர்கள். அந்த மாதிரி மனதைக் கவரும் தந்திரமானவர்கள் ஒரு நிதி நிறுவனக் கட்டமைப்பை அமைக்கிறார்கள்.

இவை வங்கிகள் அல்ல. குறைந்த பட்சம் கிராமப்புற வங்கி வடிவில் இல்லை. வாய் வார்த்தை மற்றும் விளம்பரங்கள் மூலம், இந்த நிறுவனங்கள் வங்கியின் வட்டியை விட பத்து மடங்கு தருவதாக கூறுகின்றன.

குருணாகலில் நிறுவப்பட்ட நிதி நிறுவனமும் வேலைகளை உருவாக்கியதால், மக்கள் வந்து அதிக வட்டிக்காக தங்கள் பணத்தை வைப்பிலிட்டனர். வங்கிகள் போன்றவற்றின் பெயர்களைப் பயன்படுத்துவது சட்டப்பூர்வமானது அல்ல என்பதால் மாற்று பெயர்களை வைத்தனர்.

ஒரு வைப்புத்தொகை ஏற்றுக்கொள்ளப்பட்டால், வங்கி ஒரு ரசீதை வழங்குகிறது. ஆனால், இந்த நிறுவனம் பட்டப்படிப்பு சான்றிதழ் போன்ற புடைப்பு முத்திரையுடன் சட்டக அளவு சான்றிதழை வழங்குகிறது. அதனால், சாதாரண மக்கள் மனங்களில் ஒரு நம்பிக்கை ஏற்படுகின்றது. தங்களுடைய முதலீட்டுக்கு இந்த சான்றிதழே காவலாளியாக கருதுகின்றனர்.

குருணாகல் பிரமிட் நிதி நிறுவனத்தில் சுமார் 2,500 வைப்பாளர்கள் பணத்தை வைப்பிலிட்டுள்ளனர். இவ்வாறு முதலீடு செய்யப்பட்ட பணத்தில், நகரில் அடுக்குமாடி குடியிருப்பு கட்டுவது, அப்பகுதியில் இரண்டு பெரிய வீடுகளை  வாங்குவது உள்ளிட்டவற்றை அந்த நிறுவனம் செய்துள்ளது,  சில நாட்களுக்குப் பிறகு, முதலீட்டை எடுத்த நிறுவனத்தைச் சேர்ந்த நபர் காணாமல் போனார்.

இதனுடன்தான் அரசாங்கத்தையும் மத்திய வங்கியையும் அவர்களின் முட்டாள்தனம் என்று மக்கள் குற்றம் சாட்டத் தொடங்குகிறார்கள். பொலிஸார் நடத்திய விசாரணையில், ஆயிரம் கோடி ரூபாய்க்கு மேல் மோசடி செய்தது தெரியவந்தது. அவ்வாறு சுரண்டிக்கொண்டு ஓடிய நபரே, தன்னுடைய மனைவியுடன் கைது செய்யப்பட்டுள்ளார்.

இவ்வாறான சுரண்டல்களை முன்னெடுத்து அப்பாவி மக்களின் வயிற்றில் அடிக்கும் மோச கும்பல்களுக்கு உரிய தண்டனை கிடைக்கவேண்டும். பாதிக்கப்பட்ட தரப்பினருக்கு முறையான நியாயம் வழங்கவேண்டும். அத்துடன்,  கடினமாக உழைத்து சம்பாதித்ததை தூக்கி எறிய வேண்டாம் என்பதே எமது அறிவுரையாகும்.

2024.11.11