எண்ணெய் காப்பு...

ஆயிரம் வருடங்கள் பழமை வாய்ந்த வரலாற்று பிரசித்தி பெற்ற நிந்தவூர் ஸ்ரீ முருகன் ஆலயத்தின் மகா கும்பாபிஷேக பெருவிழா, ஞாயிற்றுக்கிழமை (05) அன்று வெகு சிறப்பாக நடைபெறவுள்ளது.

ஆலயத்தை அழகுற நிர்மாணித்த, ஆஸ்திரேலியாவில் வசிக்கும் நிந்தவூரை பூர்வீகமாக கொண்ட இராமலிங்கம் ரவீந்திரதேவன் தலைமையில் இந்த மகா கும்பாபிஷேக பெருவிழா நடைபெறுகிறது.

கும்பாபிஷேக பிரதம குரு சிவஸ்ரீ சண்முக மகேஸ்வர குருக்கள் தலைமையில் நடைபெறும் இப்பெருவிழாவின் கிரியைகள் கடந்த வெள்ளிக்கிழமை (03) ஆரம்பமாகின.

இதன் ஒரு அங்கமாக, சனிக்கிழமை (04) காலை 7 மணி முதல் மாலை 5 மணி வரை அடியவர்கள் எண்ணெய் காப்பு சாத்தும் நிகழ்வு பக்திபூர்வமாக இடம்பெற்றது.

வி.ரி.சகாதேவராஜா