சில எம்.பி.க்கள் பாராளுமன்றத்துக்கு வருவது இல்லை

புதுடெல்லி;

சில எம்.பி.க்கள் டெல்லியில் இருந்தாலும் கூட பாராளுமன்றத்துக்கு வருவது இல்லை என்று வெங்கையா நாயுடு தெரிவித்துள்ளார்.

பாராளுமன்ற மாநிலங்களவையில்  சபைத்தலைவர் வெங்கையா நாயுடு கூறியதாவது:-சில எம்.பி.க்கள் டெல்லியில் இருந்தாலும் கூட பாராளுமன்றத்துக்கு வருவது இல்லை என்று நான் கேள்விப்படுகிறேன். நான் எந்த கட்சியையோ, உறுப்பினரையோ குறிப்பிட்டு சொல்லவில்லை.

எல்லா உறுப்பினர்களும் தவறாமல் பாராளுமன்ற கூட்டத்தில் பங்கேற்க வேண்டும். விவாதங்களை கவனிப்பதன் மூலம் பாராளுமன்ற  நடைமுறைகளை நன்றாக உணர்ந்து கொள்ள முடியும். பாராளுமன்ற நூலகத்தை பயன்படுத்திக்கொள்ளுங்கள். அங்கு செல்வது அறிவை விரிவுபடுத்திக்கொள்ள உதவும் என்றார்.