தண்டோரா போட்டு வாக்கு சேகரித்த பாமக வேட்பாளர்

சேப்பாக்கம்-திருவல்லிகேணி தொகுதியில் வீதி, வீதியாக தண்டோரா போட்டு வாக்குறுதிகளை கூறி பாமக வேட்பாளர் கஸ்ஸாலி பிரசாரம் மேற்கொண்டார்.

சேப்பாக்கம் - திருவல்லிக்கேணி தொகுதியில் அதிமுக கூட்டணி சார்பில் பாமக வேட்பாளர் ஏ.வி.ஏ.கஸ்ஸாலி போட்டியிடுகிறார். இவர் தொகுதியில் தீவிர பிரசாரம் செய்து வருகிறார்.

இந்நிலையில் கூட்டணி கட்சிகளுடன் இணைந்து பெசன்ட் சாலை, நடேசன் சாலை, ஐஸ்ஹவுஸ் போன்ற தொகுதிக்குட்பட்ட பகுதிகளில் கஸ்ஸாலி நேற்று துண்டுப்பிரசுரங்களை வழங்கி பிரசாரம் செய்தார். தொடர்ந்து ‘டிரம்ஸ்’ இசைக்கருவியை கழுத்தில் மாட்டிக்கொண்டு தண்டோரா போல அதை இசைத்தவாறு வாக்குச் சேகரிப்பில் ஈடுப்பட்டார்.