விபத்தில் 38 பேர் காயம்

குஜராத்தில் சொகுசு பஸ் உட்பட 3 வாகனங்கள் மோதி விபத்துக்குள்ளானதில் 38 பேர் காயமடைந்துள்ளனர்.

குஜராத்தின் அம்பாஜி நகரருகே, சனிக்கிழமை (9) இந்த விபத்து சம்பவித்துள்ளது.

 சொகுசு பஸ் ஒன்றும் மற்றும் கார் உள்ளிட்ட  2 வாகனங்களும் ஒன்றுடன் ஒன்று மோதி இந்த விபத்து ஏற்பட்டுள்ளது. 

இதன்போது, சொகுசு பஸ்ஸும் காரும் வீதியை விட்டு கவிழ்ந்து விபத்துக்குள்ளானது.

காயமடைந்தவர்கள், தந்தா அரச வைத்தியசாலையில் அனுமதிக்கப்பட்டனர். அவர்களில் அறுவர் மேலதிக சிகிச்சைக்காக   பாலம்பூரில் உள்ள வைத்தியசாலைக்கு மாற்றப்பட்டுள்ளனர்.