அமெரிக்க ஊடகவியலாளர் ஈராக்கில் கடத்தல்

அமெரிக்க ஊடகவியலாளர் ஷெல்லி கிட்டில்சன் (Shelly Kittleson) ஈராக் தலைநகர் பாக்தாத்தில் வைத்து இனந்தெரியாத நபர்களால் கடத்தப்பட்டுள்ள செய்தி உறுதிப்படுத்தப்பட்டுள்ளது. இச்சம்பவம் குறித்த விரிவான தகவல்கள் இதோ:

 றபாக்தாத்தின் மத்திய பகுதியில் உள்ள சாஉன் வீதியில் (Saadoun Street) வைத்து கிட்டில்சன் (மார்ச் 31, 2026 செவ்வாய்க்கிழமை) மாலை கடத்தப்பட்டுள்ளார். 'அல்-மானிட்டர்' (Al-Monitor) உள்ளிட்ட சர்வதேச ஊடகங்களில் பணியாற்றும் அவர், ஈராக் மற்றும் சிரியா விவகாரங்களை நீண்டகாலமாக அறிக்கையிட்டு வரும் ஒரு அனுபவம் வாய்ந்த ஊடகவியலாளர் ஆவார்.

கடத்தல்காரர்களைப் பின்தொடர்ந்த ஈராக் பாதுகாப்புப் படையினர், கடத்தலுக்குப் பயன்படுத்தப்பட்ட ஒரு வாகனம் விபத்துக்குள்ளான நிலையில் அதில் இருந்த ஒரு சந்தேக நபரைக் கைது செய்துள்ளனர்.

எனினும், கிட்டில்சன் மற்றொரு வாகனத்திற்கு மாற்றப்பட்டு கடத்தல்காரர்களால் தப்பிச் செல்லப்பட்டுள்ளார். அவர் பாக்தாத்திற்கு தெற்கு திசையில் கொண்டு செல்லப்பட்டிருக்கலாம் என அஞ்சப்படுகிறது.

கிட்டில்சனுக்கு ஈரான் ஆதரவு பெற்ற 'கதாயிப் ஹிஸ்புல்லா' (Kata’ib Hezbollah) ஆயுதக் குழுவால் அச்சுறுத்தல் இருப்பதாக அமெரிக்க புலனாய்வுப் பிரிவினர் ஏற்கனவே பலமுறை எச்சரித்திருந்ததாகத் தகவல்கள் தெரிவிக்கின்றன.

ஈராக்கில் கடந்த சில வருடங்களாக வெளிநாட்டு ஊடகவியலாளர்கள் கடத்தப்படுவது குறைந்திருந்த நிலையில், இந்தச் சம்பவம் பெரும் அதிர்ச்சியை ஏற்படுத்தியுள்ளது. கடந்த 2023 ஆம் ஆண்டு எலிசபெத் சுர்கோவ் எனும் ஆய்வாளர் கடத்தப்பட்டு, சுமார் 900 நாட்களுக்குப் பின் கடந்த 2025 செப்டம்பரிலேயே விடுவிக்கப்பட்டார் என்பது குறிப்பிடத்தக்கது.

தற்போது ஈராக் பாதுகாப்புப் படையினர் மற்றும் அமெரிக்கத் தூதரகம் இணைந்து அவரை மீட்கும் பணிகளில் தீவிரமாக ஈடுபட்டுள்ளனர்.