விஜய்யின் சொத்து மதிப்பு எவ்வளவு தெரியுமா?

2026 தமிழ்நாடு சட்டமன்றத் தேர்தலில் பெரம்பூர் தொகுதியில் வேட்புமனு தாக்கல் செய்த தமிழக வெற்றிக் கழகம் தலைவர் நடிகர் விஜய், தனது சொத்து மற்றும் வருமான விவரங்களை வேட்புமனுவில் தாக்கல் செய்துள்ளார். 

இந்த விவரங்கள் பொதுமக்கள் மற்றும் அரசியல் வட்டாரங்களில் பெரும் கவனத்தை ஈர்த்துள்ளன.

விஜய்யின் அசையும் சொத்துகளின் (மொபைல் அசெட்ஸ்) மதிப்பு ரூ.404.58 கோடியாகும். 

இதில் வங்கி சேமிப்புகள், முதலீடுகள், நகைகள் மற்றும் வாகனங்கள் அடங்கும். குறிப்பாக வங்கி கணக்குகளில் மட்டும் ரூ.213 கோடி இருப்பதாக ஆவணங்கள் தெரிவிக்கின்றன.

அசையா சொத்துகளின் (இம்மொபைல் அசெட்ஸ்) நடப்பு சந்தை மதிப்பு ரூ.220 கோடியாக உள்ளது.

இதில் வீடுகள், நிலங்கள் உள்ளிட்ட நிலையான சொத்துகள் அடங்கும். விஜய் சுயமாக வாங்கிய அசையா சொத்துகளின் மதிப்பு ரூ.92 கோடியாகக் குறிப்பிடப்பட்டுள்ளது.

விஜய்யின் மனைவி சங்கீதா பெயரில் சுமார் 391 சவரன் தங்க நகைகள் உள்ளதாக வேட்புமனுவில் தெரிவிக்கப்பட்டுள்ளது.

மொத்த தங்க நகைகளின் எடை சுமார் 3132 கிராம் ஆகும். இதன் மதிப்பு ரூ.4.07 கோடியாகும். வெள்ளி பொருட்கள் 883 கிராம் எடையுடன் ரூ.1.20 கோடி மதிப்பில் உள்ளன.

கடந்த ஐந்து ஆண்டுகளில் விஜய் ஈட்டிய மொத்த வருமானம் ரூ.734 கோடி ஆகும். இந்த வருமானம் திரைப்படங்கள், விளம்பர ஒப்பந்தங்கள், முதலீடுகள் மற்றும் பிற வருவாய் மூலங்களிலிருந்து கிடைத்ததாகக் கூறப்படுகிறது.

வாகனங்கள் விவரத்தில், Maruti Swift (TN 14 AK 6791) கார் ரூ.5.35 லட்சம் மதிப்பிலும், TVS XL Super (TN 14 AP 4284) இருசக்கர வாகனம் ரூ.67,400 மதிப்பிலும் பதிவு செய்யப்பட்டுள்ளன. விஜய்யின் பூர்வீக சொத்துகளின் மதிப்பு ரூ.21.83 கோடியாகவும், மனைவி சங்கீதாவின் பெயரில் ரூ.15.51 கோடி மதிப்பிலான சொத்துகளும் உள்ளன.

மொத்தத்தில் விஜய்யின் சொத்து மதிப்பு பெரும் அளவில் உள்ள நிலையில், பெரிய அளவிலான கடன் அல்லது நிலுவைத் தொகை இல்லை என்று வேட்புமனுவில் குறிப்பிடப்பட்டுள்ளது. அனைத்து சொத்து விவரங்களும் சட்டப்படி பதிவு செய்யப்பட்டு, நோட்டரி சான்றுடன் தாக்கல் செய்யப்பட்டுள்ளன.இந்த சொத்து விவரங்கள், விஜய் தனது அரசியல் பயணத்தை வெளிப்படையாகவும், வெளிப்படுத்தும் வகையில் அமைந்துள்ளன என்று அரசியல் வட்டாரங்கள் கருதுகின்றன. R