‘ஈரான் வெற்றியைப் பிரகடனப்படுத்தி போரை முடிக்க வேண்டும்’:

 
தனது நாடு "வெற்றியைப் பிரகடனப்படுத்தி, தற்போதைய மோதலை முடிவுக்குக் கொண்டுவருவதுடன் எதிர்கால மோதல்களைத் தவிர்க்கும் வகையிலான ஒரு ஒப்பந்தத்தைச் செய்துகொள்ள வேண்டும்" என்று , ஈரானின் முன்னாள் வெளியுறவு அமைச்சர் ஜவாத் ஜாரீஃப், வலியுறுத்தியுள்ளார்.

அமெரிக்காவைத் தளமாகக் கொண்ட 'ஃபாரீன் அஃபையர்ஸ்' (Foreign Affairs) இதழில் எழுதியுள்ள கட்டுரையில்

பல ஆண்டுகளாக ஈரானின் அணுசக்தித் திட்டம் தொடர்பாக அமெரிக்கா உள்ளிட்ட நாடுகளுடன் பேச்சுவார்த்தை நடத்தியதில் முக்கியப் பங்கு வகித்தவர் ஜாரீஃப். அவர் அமெரிக்கா மற்றும் இஸ்ரேலுடனான போரை ஈரானுக்குச் சாதகமான நிபந்தனைகளுடன் முடிவுக்குக் கொண்டு வருவதற்கான ஒரு வரைபடத்தை (Blueprint) இந்தக் கட்டுரையில் கோடிட்டுக் காட்டியுள்ளார்.

அவர் முன்வைத்துள்ள முக்கிய யோசனைகள்:
அணுசக்தி மற்றும் பொருளாதாரத் தடைகள்: ஈரான் மீதான அனைத்துப் பொருளாதாரத் தடைகளையும் நீக்குவதற்குப் பதிலாக, தனது அணுசக்தித் திட்டத்திற்குக் கட்டுப்பாடுகளை விதிக்கவும், ஹார்முஸ் ஜலசந்தியை (Strait of Hormuz) மீண்டும் திறக்கவும் ஈரான் முன்வர வேண்டும். இந்த ஒப்பந்தத்தை வாஷிங்டன் முன்பு ஏற்க மறுத்திருக்கலாம், ஆனால் தற்போதைய சூழலில் ஏற்றுக்கொள்ள வாய்ப்புள்ளது.

ஆக்கிரமிப்பு தவிர்ப்பு ஒப்பந்தம்: ஈரானும் அமெரிக்காவும் எதிர்காலத்தில் ஒருவரை ஒருவர் தாக்க மாட்டோம் என உறுதி அளிக்கும் வகையில், பரஸ்பர 'ஆக்கிரமிப்பு தவிர்ப்பு ஒப்பந்தத்தில்' (Non-aggression pact) கையெழுத்திடத் தயாராக இருக்க வேண்டும்.

பொருளாதார உறவுகள்: அமெரிக்காவுடன் பொருளாதார ரீதியான தொடர்புகளை ஏற்படுத்திக் கொள்ள ஈரான் முன்வரலாம். இது அமெரிக்க மற்றும் ஈரானிய மக்கள் இருவருக்கும் நன்மையாக அமையும்.

உள்நாட்டு வளர்ச்சி: இத்தகைய முடிவுகள் ஈரானிய அதிகாரிகள் வெளிநாட்டு எதிரிகளிடமிருந்து நாட்டைப் பாதுகாப்பதில் செலவிடும் கவனத்தைக் குறைத்து, உள்நாட்டில் மக்களின் வாழ்க்கைத் தரத்தை மேம்படுத்துவதில் அதிக கவனம் செலுத்த வழிவகுக்கும்.