’’ஒலிம்பிக் போட்டியா? வீட்டுப் பாடமா? குழப்பும் மாணவி’’

குளிர்கால ஒலிம்பிக் போட்டியில் கனடாவைப் பிரதிநிதித்து போட்டியிடும் வீராங்கனை  ஒரு புதிய சவாலுக்கு முகங்கொடுத்துள்ளார்.

பல்கலைக்கழக மாணவியான மெடலைன் ஸ்கிசாஸ் (Madeline Schizas) போட்டியில் பங்கெடுக்கும்போது வீட்டுப்பாடத்தையும் செய்ய வேண்டும்.

பெண்களுக்கான figure skating போட்டியன்று அவர் வீட்டுப்பாடத்தை ஒப்படைக்கவேண்டும்.

அதனால் அவர் தமது பேராசிரியரிடம் கூடுதல் கால அவகாசம் கேட்டுள்ளார்.

"நான் ஒலிம்பிக் போட்டியில் பங்கெடுக்கிறேன். இந்தப் பாடத்தை வெள்ளிக்கிழமைக்குப் பதிலாக ஞாயிற்றுக்கிழமையன்று ஒப்படைக்கலாமா?" என்று அவர் மின்னஞ்சல் வழி கேட்டிருந்தார்.

அந்த நகைச்சுவையான சம்பவத்தைப் பற்றித் திருவாட்டி ஸ்கிசாஸ் தமது Instagram பக்கத்தில் பதிவிட்டார். இணையத்தில் அது பரவலானது.

பேராசிரியர் இன்னமும் பதிலளிக்கவில்லை என்று அவர் கனடாவில் CBC ஊடகத்திடம் கூறினார்.