பி​ரான்​ஸில் கடந்த 2007-ம் ஆண்டு நடை​பெற்ற ஜனாதிபதி தேர்​தல் பிரச்​சா​ரத்​துக்​காக, லிபி​யா​வின் அப்​போதைய ஜனாதிபதி கடாஃபி​யிடம் சட்​ட​விரோத​மாக பணம் பெற்ற வழக்​கில், முன்​னாள் ஜனாதிபதி நிக்​கோலஸ் சர்​கோசிக்கு 5 ஆண்டு சிறை தண்​டனை விதிக்​கப்​பட்​டுள்​ளது.

பிரான்​ஸில் கடந்த 2007-ம் ஆண்டு நடந்த ஜனாதிபதி தேர்​தலில் நிக்​கோலஸ் சர்​கோசி வெற்றி பெற்று அதிப​ரா​னார். அப்​போது தேர்​தல் பிரச்​சா​ரத்​துக்​காக லிபி​யா​வின் அப்​போதைய ஜனாதிபதி மாமர் கடாஃபி​யிடம் இருந்து சட்​ட​விரோத​மாக நிதி பெற்​ற​தாக​வும், இதற்கு பிர​திபல​னாக, தனித்​து​விடப்​பட்ட லிபி​யா​வுக்கு சர்​வ​தேச அரங்​கில் பிரான்ஸ் ஆதர​வாக செயல்​படும் என நிக்​கோலஸ் சர்​கோசி உறு​தி​ அளித்ததாகவும் தெரியவந்தது.

இது தொடர்​பான வழக்​கில் ஜனாதிபதி தேர்​தல் பிரச்​சா​ரத்​துக்கு லிபி​யா​விடம் இருந்து நிதி பெற்​றது சட்​ட​விரோதம் என குற்​றம் சாட்​டப்​பட்​டது. இந்த குற்​றச்​சாட்​டு​களை எல்​லாம் முன்​னாள் ஜனாதிபதி நிக்​கோலஸ் சர்​கோசி மறுத்​தார். இந்​நிலை​யில் இந்த வழக்​கில் நேற்று தீர்ப்பு வழங்​கப்​பட்​டது. ஜனாதிபதி தேர்​தல் பிரச்​சா​ரத்​துக்​காக லிபி​யா​விடம் நிதி பெற்​றது சட்​ட​விரோதம் என கூறிய நீதிப​தி​கள் சர்​கோசிக்கு 5 ஆண்​டு​கள் சிறை தண்​டனை விதிப்பதாக தீர்ப்​பளித்​தனர்.

அவர் இந்த தீர்ப்பை எதிர்த்து மேல் முறை​யீடு செய்​தா​லும், சிறை தண்​டனை உறுதி என அவர்​கள் தெரி​வித்​தனர். இந்த தீர்ப்பு குறித்து சர்​கோசி கூறுகை​யில், ‘‘எனக்கு தண்​டனை அறி​வித்​தவர்​கள், நான் விரை​வில் சிறை​யில் தூங்க வேண்​டும் என விரும்​பு​கின்​றனர். இதில் நான் எந்த குற்​ற​மும் செய்​ய​வில்லை என்​பதை கடைசிவரை போ​ராடி நிரூபிப்​பேன்​’’ என்​றார்​.