தென் கொரிய பதில் ஜனாதிபதிக்கு எதிரான நம்பிக்கையில்லா பிரேரணை நிறைவேற்றம்

தென் கொரியாவின் பதில் ஜனாதிபதி ஹன் டக்-சூவிற்கு எதிரான நம்பிக்கையில்லா பிரேரணை அந்த நாட்டு பாராளுமன்றத்தில் நிறைவேற்றப்பட்டுள்ளது.
 
இரண்டு வாரத்திற்கு முன்னர் ஜனாதிபதி யூன் சூக் யோலிற்கு எதிராக கொண்டு வரப்பட்ட நம்பிக்கையில்லா பிரேரணையில் அவர் தோல்வியடைந்தார்.
 
ஜனாதிபதி யூன் சூக் யோல் கடந்த 3 ஆம் திகதி கடுமையான இராணுவ சட்டத்தை அமல்படுத்தியமை காரணமாக அவர் பதவியிலிருந்து வெளியேற வேண்டிய நிர்ப்பந்தம் ஏற்பட்டது.
 
முன்னதாக தென் கொரியாவில் ஏற்பட்ட அரசியல் கொந்தளிப்பினை தீர்ப்பதற்கான நடவடிக்கைகளை இடைக்கால ஜனாதிபதி ஹன் டக்-சூ மேற்கொள்வார் என பல தரப்பினராலும் எதிர்பார்க்கப்பட்டது.
 
இந்தநிலையில், பாராளுமன்றத்தில் நேற்று மேற்கொள்ளப்பட்ட வாக்கெடுப்பின்போது குழப்பநிலை ஏற்பட்டதாக அறிவிக்கப்பட்டுள்ளது.
 
ஆளும் கட்சியை சேர்ந்த உறுப்பினர்கள் பாராளுமன்றத்தின் நடுவே ஒன்றுகூடி இந்த வாக்கெடுப்பு செல்லாது என கோஷமிட்டுள்ளனர். (a)