நான் வேற்று கிரகத்தைச் சேர்ந்தவன்”- ஆடையற்ற நபரால் பரபரப்பு

அமெரிக்காவின் புளோரிடா மாகாணத்தில் நபர் ஒருவர் நிர்வாணமாக நடமாடிய சம்பவம் பெரும் பரபரப்பை ஏற்படுத்தியுள்ளது.

 வெஸ்ட் பாம் பீச் பகுதியைச் சேர்ந்த 44 வயது நபரான ஜேசன் ஸ்மித் என்ற நபரே கடந்த 8 ஆம் திகதி வொர்த் அவென்யூ என்ற பகுதியில், இவ்வாறு ஆடைகளின்றி நடமாடியுள்ளார்.

 இதனைக் கண்டு அதிர்ச்சியடைந்த அப்பகுதி மக்கள் இது குறித்து பொலிஸாருக்குத் தெரியப்படுத்திய நிலையில், அங்கு விரைந்த பொலிஸார் அவரைப் பிடித்து விசாரணை நடத்தியுள்ளனர்.

 இதன் போது அவர்”  நான் வேற்று பூமியை சேர்ந்தவன் என்றும் தான் வெஸ்ட் பாம் பீச் பகுதியில் வசித்து வருவதாகவும், எனது உடைகள் எங்கே போனது எனத் தெரியவில்லை என்றும் தெரிவித்துள்ளார்.

இந்நிலையில் அவரைக்  கைது செய்த பொலிஸார், இது குறித்த மேலதிக விசாரணைகளை முன்னெடுத்து வருகின்றனர்.