பாகிஸ்தான் வான்படை விமானம் வீழ்ந்தது; விமானிகள் இருவர் பலி

பாகிஸ்தானின் வட மேற்கில் பயிற்சிப் பறப்பொன்றில் இருக்கும்போது அந்நாட்டு வான்படையின் பயிற்சி விமானமொன்று நேற்று வீழ்ந்ததில், அதிலிருந்த இரண்டு விமானிகள் கொல்லப்பட்டதாக வான் படையின் பேச்சாளரொருவர் தெரிவித்துள்ளார்.

வழமையான பறப்பின்போது பெஷாவருக்கு அருகில் பயிற்சி விமானம் வீழ்ந்ததாக வான் படையால் வெளியிடப்பட்ட அறிக்கையில் தெரிவிக்கப்பட்டுள்ளது.

இந்நிலையில், சம்பவத்துக்கான காரணத்தைக் கண்டறிவதற்காக விசாரணையொன்றுக்கு உத்தரவிடப்பட்டுள்ளதாக குறித்த அறிக்கையில் மேலும் குறிப்பிடப்பட்டுள்ளது.