புற்றுநோய்த் தடுப்பூசி கண்டுபிடிப்பு

ரஷ்ய என்டோரோமிக்ஸ் புற்றுநோய் தடுப்பூசி இப்போது மருத்துவ பயன்பாட்டிற்கு தயாராக உள்ளது என்று ரஷ்ய கூட்டாட்சி மருத்துவ மற்றும் உயிரியல் நிறுவனம் (FMBA) அறிவித்துள்ளது.

FMBD தலைவர் வெரோனிகா ஸ்க்வோர்ட்சோவா கூறுகையில், mRNA அடிப்படையிலான தடுப்பூசி முன் மருத்துவ பரிசோதனைகளை வெற்றிகரமாக நிறைவேற்றியுள்ளது, இது அதன் பாதுகாப்பு மற்றும் உயர் செயல்திறனை நிரூபிக்கிறது.

இந்த தடுப்பூசி கட்டிகளைச் சுருக்குவதிலும் அவற்றின் வளர்ச்சியைக் குறைப்பதிலும் குறிப்பிடத்தக்க பெறுபேறுகளைக் காட்டியது, மேலும் மீண்டும் மீண்டும் பயன்படுத்துவதற்குப் பாதுகாப்பானதாகவும் கண்டறியப்பட்டுள்ளது.

இந்த தடுப்பூசி ஒவ்வொரு நோயாளிக்கும் ஏற்றவாறு தனிப்பயனாக்கப்படும், அவர்களின் தனிப்பட்ட ஆர்.என்.ஏ-வுக்கு ஏற்ப வடிவமைக்கப்பட்டுள்ளது என்று ஸ்க்வோர்ட்சோவா கூறினார்.

தடுப்பூசியின் முதல் வடிவம் பெருங்குடல் புற்றுநோய்க்கு சிகிச்சையளிக்கப் பயன்படுத்தப்படும் என்றும், மற்றொரு பதிப்பு மூளை புற்றுநோய் - கிளியோபிளாஸ்டோமா - மற்றும் குறிப்பிட்ட வகை மெலனோமா, தோல் புற்றுநோய் - உருவாக்கத்தில் உள்ளது என்றும் அவர் கூறினார்.