ரஷ்ய ஜனாதிபதி தேர்தல் அறிவிப்பு: பதவியை தக்க வைக்க முனைப்பு

ரஷ்ய ஜனாதிபதியாக இருக்கும் விளாடிமிர் புட்டினின் பதவிக்காலம் அடுத்த வருடம் (2024) மே மாதத்துடன் நிறைவடைகிறது. இந்த நிலையில் ஜனாதிபதி தேர்தலை நடத்துவது குறித்து முடிவு எடுப்பதற்காக ரஷிய பாராளுமன்றம் நேற்றையதினம் (08) கூடியது. 

இதன்போது,  2024-ம் ஆண்டு மார்ச் 17ஆம் திகதி ஜனாதிபதி தேர்தலை நடத்த முடிவு செய்யப்பட்டு அதிகாரப்பூர்வமாக அறிவிக்கப்பட்டது.

இந்த தேர்தலில் 5-வது முறையாக ஜனாதிபதி பதவிக்கு விளாடிமிர் புட்டின் போட்டியிடவுள்ளார். இந்த தேர்தலில் அவர் வெற்றிப்பெற்றால் 2036 வரை ஜனாதிபதி பதவியில் நீடிக்கும் வகையில் பல சீர்திருத்தங்களை அவர் செய்துள்ளார். எனவே தேர்தலில் வெற்றிப்பெற்று பதவியை தக்க வைப்பதில் அவர் முனைப்புடன் உள்ளதாக தெரிவித்துள்ளார்.