லுஸில் ராண்டன் காலமானார்

உலகின் மிகவும் வயதான கன்னியாஸ்திரியாக  கின்னஸ் சாதனைபடைத்த பிரான்ஸைச் சேர்ந்த  லுஸில் ராண்டன் (Lucile Randon) தனது 118 ஆவது வயதில் நேற்று முன்தினம்(17 ) காலமானார்.

1904ஆம் ஆண்டு பிறந்த இவர் தனது 41ஆவது வயதில் கன்னியாஸ்திரியாக முடிவெடுத்தார் எனவும் அதன் பின்னர் ஒரு மருத்துவமனையில் 31 ஆண்டுகள் பணிபுரிந்தார் எனவும் தெரிவிக்கப்பட்டுள்ளது.

அத்துடன் கடந்த 2021ஆம் ஆண்டு COVID-19 நோய்த்தொற்றால் பாதிக்கப்பட்டு உயிர்பிழைத்தார் என்பதும் குறிப்பிடத்தக்கது.

இந்நிலையில் அவர் டூலோன் (Toulon) நகரில் உள்ள தாதிமை இல்லத்தில் உறக்கத்தில் உயிரிழந்துள்ளார் எனத் தெரிவிக்கப்பட்டது.