வியட்நாமில் குரங்கம்மை பரவல் - 6 பேர் பலி

தென்கிழக்கு ஆசிய நாடான வியட்நாமில் குரங்கம்மை நோய் வேகமாக பரவுகிறது. இந்நிலையில் நாட்டின் தெற்கு மாகாணமான லாங் ஆன்னில் நோய் பாதிப்பு அதிகரித்து வரும் நிலையில் 117 பேர் குரங்கம்மை பாதிப்புக்குள்ளாகியுள்ளதோடு 6 பேர் உயிரிழந்துள்ளனர்.

இதற்கமைய, நவம்பர் மாதம் முதல் தொற்றுநோய்களின் எண்ணிக்கை தொடர்ந்து அதிகரித்து வருவதாகவும் தெரிவிக்கப்பட்டுள்ளது.

இதுதொடர்பாக ஹோ சி மின் நகரத்தின் வெப்பமண்டல நோய்களுக்கான வைத்தியசாலையின் வை்தியர் ஹுய்ன் தி துய் ஹோ தெரிவிக்கையில்:

கடந்த மூன்று மாதங்களில் வை்தியசாலையில் அனுமதிக்கப்பட்ட 49 பாதிப்புகளில் 6 பேர் உயிரிழந்துள்ளனர். 40 பேர் குணமடைந்ததுடன், மூன்று பேர் சிகிச்சை பெற்று வருகின்றனர். என்று அவர் தெரிவித்துள்ளார்.