இறுதிப் போட்டியில் கல்முனை அணி

தேசிய இளைஞர் கால்பந்தாட்டத் தொடரின் இறுதிப் போட்டிக்கு, அம்பாறை மாவட்டத்தை பிரதிநிதித்துவப்படுத்திய கல்முனை பிரதேச செயலக தேசிய இளைஞர் கழகத்தின் கால்பந்தாட்ட அணி தகுதிபெற்றது.

பதுளை வின்சென்ட் டயஸ் மைதானத்தில் நேற்று நடைபெற்ற அரையிறுதிப் போட்டியில், காலி மாவட்ட இளைஞர் கால்பந்தாட்ட அணியை வென்றே கல்முணை பிரதேச செயலக தேசிய இளைஞர் கழகத்தின் கால்பந்தாட்ட அணி இறுதிப் போட்டிக்குத் தகுதிபெற்றுள்ளது.

அந்தவகையில், மாத்தறையில் அடுத்த மாதம் நடைபெற இருக்கும் தேசிய இளைஞர் விளையாட்டு விழாவில் ஓர் அங்கமாக நடைபெறவுள்ள குறித்த தொடரின் இறுதிப் போட்டியில் பதுளை மாவட்ட இளைஞர் கால்பந்தாட்ட அணியை கல்முனை பிரதேச செயலக தேசிய இளைஞர் கழகத்தின் கால்பந்தாட்ட அணி எதிர்கொள்ளவுள்ளது.