சம்பியனானது சம்மாந்துறை விளையாட்டு கழகம்

- அஸ்ஹர் இப்றாஹிம்

களுதாவளை கெனடி விளையாட்டுக் கழகத்தின் 64 ஆண்டுகள் பூர்த்தியை முன்னிட்டு நடைபெற்ற மென்பந்தாட்ட கிரிக்கெட் தொடரில் சம்மாந்துறை விளையாட்டுக் கழகம் சம்பியனானது.

களுதாவளை விளையாட்டு மைதானத்தில் அண்மையில் நடைபெற்ற 8 ஓவர்கள் கொண்ட இத்தொடரின் இறுதிப் போட்டியில் முதலில் துடுப்பெடுத்தாடிய சம்மாந்துறை விளையாட்டுக் கழகம் 8 ஓவர்களில் 5 விக்கெட்டுகளை இழந்து 98 ஓட்டங்களைப் பெற்றது.

பதிலுக்கு 99 ஓட்டங்களை வெற்றியிலக்காகக் கொண்டு துடுப்பெடுத்தாடிய ஏஸியன் விளையாட்டுக்கழகம் 8 ஓவர்களில் 8 விக்கெட்டுக்களை இழந்து 80 ஓட்டங்களை மாத்திரமே பெற்று 18 ஓட்டங்களால் தோல்வியடைந்தது.

சம்பியனான சம்மாந்துறை விளையாட்டுக் கழகத்துக்கு 8 அடி உயரமான வெற்றிக் கிண்ணமும் 40,000 ரூபாய் பணப்பரிசும் வழங்கப்பட்டது.