பதக்கங்களைப் குவித்த யாழ். பல்கலைக்கழக பெண்கள் அணி

பு. கஜிந்தன்

பல்கலைக்கழகங்களுக்கிடையிலான மினி ஒலிம்பிக் போட்டியில், யாழ்ப்பாண பல்கலைக்கழக பெண்கள் பளுதூக்கு அணி ஐந்து தங்கம், இரண்டு வெள்ளி, ஒரு வெண்கலப் பதக்கங்களைப் பெற்று இவ்வாண்டு சம்பியனாகியது. இவ்வாண்டே முதன்முதலாக பெண்கள் பளுதூக்கல் அறிமுகப்படுத்தப்பட்டமை  குறிப்பிடத்தக்கது. 

இதில், என். மிதுசா 49 கிலோ கிராம் எடைப் பிரிவில் 90 கிலோ கிராம் எடையைத் தூக்கி தங்க பதக்கத்தை பெற்றார். கே. சனுஜா 49 கிலோ கிராம் எடைப் பிரிவில் 71 கிலோ கிராம் எடையைத் தூக்கி வெள்ளிப் பதக்கத்தைப் பெற்றார். எச்.ஏ.ஐ.என் ரத்னநாயக்க 55 கிலோ கிராம் எடைப் பிரிவில் 100 கிலோ கிராம் எடையைத் தூக்கி தங்கப் பதக்கத்தைப் பெற்றார்.

ஜெ. பஜினா 64 கிலோ கிராம் எடைப் பிரிவில் 120 கிலோ கிராம் எடையைத் தூக்கி வெள்ளி பதக்கத்தைப் பெற்றார். ஆர். தசாந்தினி 76 கிலோ கிராம் எடைப் பிரிவில் 110 கிலோ கிராம் எடையைத் தூக்கி தங்கப் பதக்கத்தைப் பெற்றார். ஆர். தக்சாயினி 81 கிலோ கிராம் எடைப் பிரிவில் 100 கிலோ கிராம் எடையைத் தூக்கி தங்கப் பதக்கத்தைப் பெற்றார்.

டி.எம்.டி.எம். தனபால 87 கிலோ கிராம் எடைப் பிரிவில் 79 கிலோ கிராம் எடையைத் தூக்கி வெண்கலப் பதக்கத்தைப் பெற்றார். எஸ். ஜீவமலர் 87 கிலோ கிராம் எடைப் பிரிவில் 80 கிலோ கிராம் எடையைத் தூக்கி தங்கப் பதக்கத்தைப் பெற்றார்.