புட்சாலில் சென்.பற்றிக்ஸ் சம்பியன்

-குணசேகரன் சுரேன்

கொழும்பு சென்.ஜோசப் கல்லூரியால் அழைக்கப்பட்ட 49 பாடசாலைகளுக்கிடையில் நடத்திய புட்சல் (அணிக்கு 5 பேர்) கால்ப்பந்தாட்டப் போட்டியில் யாழ்ப்பாணம் சென்.பற்றிக்ஸ் கல்லூரி அணி சம்பியனாகியது.

பாடசாலைகளின் 13 வயதுப்பிரிவு அணிகளுக்கிடையில் போல் வெற்றிக்கிணக்கத்துக்காக இந்தச் சுற்றுப்போட்டி நடத்தப்பட்டது. இந்தச் சுற்றுப்போட்டியின் இறுதிப்போட்டி கொழும்பு சென்.ஜோசப் கல்லூரி மைதானத்தில் கடந்த வாரயிறுதியில் நடைபெற்ற போது, யாழ்ப்பாணம் சென்.பற்றிக்ஸ் கல்லூரி அணியை எதிர்த்து அநுராதபுரம் மத்திய கல்லூரி மோதியது. இதில், சென்.பற்றிக்ஸ் கல்லூரி அணி 4-0 என்ற கோல் கணக்கில் வெற்றிபெற்றுச் சம்பியனாகியது.