திக்கம் இளைஞர்கள், விண்மீன் அணிகள் இறுதிப்போட்டிக்கு தகுதி

Super User / 2014 ஜூலை 24 , பி.ப. 12:39 - 0 - {{hitsCtrl.values.hits}}

- ற.றஜீவன்

கற்கோவளம் உதயதாரகை விளையாட்டுக்கழகம் பருத்தித்துறை கால்பந்தாட்ட லீக்கின் அனுசரணையில் யாழ். மாவட்டக் கால்பந்தாட்ட அணிகளுக்கிடையில் நடத்தி வந்த அணிக்கு 7 பேர் கொண்ட கால்பந்தாட்டச் சுற்றுப்போட்டியின் இறுதிப்போட்டிக்கு திக்கம் இளைஞர்கள் அணியும் விண்மீன் அணியும் தகுதி பெற்றுள்ளன.

நேற்று புதன்கிழமை (23) நடைபெற்ற அரையிறுதி ஆட்டங்களில் விண்மீன் அணி 2:0 என்ற கோல் கணக்கில் யங்கென்றீஸ் அணியை வீழ்த்தியது.

இரண்டாவது அரையிறுதியாட்டத்தில், திக்கம் இளைஞர்கள் அணியும் டயமன்ஸ் அணியும் மோதுவதாக இருந்த போதும், டயமன்ஸ் அணி போட்டியிலிருந்து விலகிக் கொண்டதால் திக்கம் இளைஞர்கள் அணி இறுதிப்போட்டிக்குத் தகுதி பெற்றது.

மேற்படி சுற்றுப்போட்டியில் யாழ். மாவட்டத்தைச் சேர்ந்த 51 கால்பந்தாட்;ட அணிகள் பங்குபற்றியிருந்ததுடன், போட்டிகள் அனைத்தும் விலகல் முறையில் இடம்பெற்றிருந்தது.

இந்தச் சுற்றுப்போட்டியின் இறுதிப்போட்டி எதிர்வரும் 27 ஆம் திகதி உதயதாரகை மைதானத்தில் நடைபெறவுள்ளது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .