கிழக்கு மாகாண விளையாட்டு விழா

Super User / 2014 ஓகஸ்ட் 24 , மு.ப. 06:26 - 0 - {{hitsCtrl.values.hits}}

- வடிவேல் சக்திவேல்

கிழக்கு மாகாண விளையாட்டுத் திணைக்களமும் மட்டக்களப்பு மாவட்ட கச்சேரியும் இணைந்து நடாத்திய மாவட்ட விளையாட்டு விழா சனிக்கிழமை (23) மகிழடித்தீவு பொது விளையாட்டு மைதானத்தில் நடைபெற்றது.

இப் போட்டி நிகழ்வில், மரதன் ஓட்டம், கால்பந்தாட்டம், 100 மீற்றர் ஓட்டம், 1500 மீற்றர் ஓட்டம், மற்றும் அஞ்சல் ஓட்டப் போட்டிகள் என பல நிகழ்வுகள் நடைபெற்றன.

இவ்வருடம் மாவட்ட மட்டத்தில் அதிக புள்ளிகளைப்பெற்று மண்முனை வடக்கு பிரிவு முதலிடத்தைப் பெற்றுள்ளது.

இதன்போது வெற்றியீட்டிய வீரர்களுக்கு சான்றிதழ்களும் வெற்றிக் கிண்ணங்களும் வழங்கப்பட்டதுடன், மாவட்ட விளையாட்டு நிகழ்வுகள் தொடர்பான புத்தகம் ஒன்றும் வெளியிட்டு வைக்கப்பட்டது.

மட்டக்களப்பு மவாட்ட அரசாங்க அதிபர் திருமதி பி.எஸ்.எம்.சாள்ஸ் தலைமையில் நடைபெற்ற இந்நிகழ்வில் விளையாட்டுத்துறை சார்ந்தோர், பிரதேச செயலாளர்கள், மாவட்ட செயலக உத்தியோகஸ்தர்கள், பிரதேச செயலக உத்தியோகஸ்தர்கள், மற்றும் பல அதிகாரிகள், விளையாட்டு கழகங்களின் உறுப்பினர்கள், பொதுமக்கள், என பலர் கலந்து கொண்டனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .