அக்கரைப்பற்று அல்-பாயிஸா வித்தியாலயம் சம்பியன்

-எஸ்.எம்.அறூஸ்

அக்கரைப்பற்று, கல்வி வலயப் பாடசாலைகளுக்கு இடையிலான 19 வயதுக்குட்பட்ட கால்பந்தாட்டச் சுற்றுப்போட்டியில் அக்கரைப்பற்று அல்-பாயிஸா வித்தியாலயம் சம்பியனாகியது.

பொத்துவில் மத்திய கல்லூரிக்கும் அக்கரைப்பற்று அல்-பாயிஸா  வித்தியாலயத்துக்கும் இடையிலான கால்பந்தாட்டச் சுற்றுப் போட்டியின் இறுதிப்போட்டி நேற்று புதன்கிழமை (18)பொத்துவில் மத்திய கல்லூரி மைதானத்தில் நடைபெற்றது.

விருவிருப்பாக அமைந்த இப்போட்டியில் 2:1 என்ற கோல்கள் வித்தியாசத்தில் அக்கரைப்பற்று அல்-பாயிஸா வித்தியாலயம் வெற்றிபெற்று சம்பியனாகியது.

இரண்டாமிடத்தை பொத்துவில் மத்திய கல்லூரி பெற்றுக்கொண்டது. இந்த வெற்றிமூலம் அக்கரைப்பற்று அல்-பாயிஸா வித்தியாலயம் மாகாண போட்டிக்குத் தெரிவு செய்யப்பட்டுள்ளமை குறிப்பிடத்தக்கதாகும்.