ஆறு கிலோகிராம் போதைப்பொருளுடன் பெண் கைது

சீனிகம பகுதியில் நடத்தப்பட்ட சோதனையின் போது சுமார் 100 மில்லியன் ரூபாய் பெறுமதியுடைய போதைப்பொருள் வைத்திருந்த பெண்  ஒருவர் கைது செய்யப்பட்டதாக மீட்டியாகொட பொலிஸார் தெரிவித்தனர்.

இதன்போது சந்தேக நபரிடமிருந்து ஆறு கிலோகிராம் போதைப்பொருள் பறிமுதல் செய்யப்பட்டதாகவும் பொலிஸார் தெரிவித்தனர்.

அத்துடன் சனிக்கிழமை (08) அன்று சுமார் 5 கோடி ரூபாய் பெறுமதியுடைய போதைப்பொருளுடன் மூன்று மீனவர்கள் சீனிகம பொலிஸ் சிறப்பு அதிரடிப்​படையால் கைது செய்யப்பட்டுள்ளதுடன் இதன்போது 3 கிலோகிராம் போதைப்பொருள் கைப்பற்றப்பட்டுள்ளது.   

இது தொடர்பான மேலதிக விசாரணைகள் மேற்கொள்ளப்பட்டுள்ளமை குறிப்பிடத்தக்கது.