இரத்ததான முகாம்

சிலோன் தௌஹீத் ஜமாஅத் (CTJ) கற்பிட்டி கிளை புத்தளம் தள வைத்தியசாலையின் இரத்த வங்கியுடன் இணைந்து 10வது தடவையாக கற்பிட்டி அல் அக்ஸா தேசிய பாடசாலையில் நடாத்திய இரத்த தான முகாம் ஞாயிற்றுக்கிழமை (24) சீ.டி.ஜே யின் கற்பிட்டி கிளைத் தலைவர் எம்.எச்.எம்.ஆஷாத் தலைமையில் இடம்பெற்றது.

'உதிரம் கொடுப்போம் உயிர் காப்போம்' என்ற கருப்பொருளில் இடம்பெற்ற இரத்த தான முகாமில் இன மத வேறுபாடு இன்றி சுமார் 100 பேர்  கலந்து கொண்டு தமது  இரத்தங்களை வழங்கி  வைத்ததுடன்  இதில் கலந்து கொண்டவர்களுக்கு சிலோன் தௌஹீத் ஜமாஅத் கற்பிட்டி கிளையினால் நினைவு பரிசு வழங்கப்பட்டதும் குறிப்பிடத்தக்கது.

எம்.யூ.எம்.சனூன்