இந்துஸ்தானி இசைக் கச்சேரி...

இந்தியாவின் பாத்கண்டே இசைப் பல்கலைக்கழகத்தில் பட்டப்படிப்பை மேற்கொண்டுவரும் சஞ்சய ஹேமால் வஹலதந்திரியின் இந்துஸ்தானி இசைக் கச்சேரி இன்று புதன்கிழமை மாலை கொழும்பிலுள்ள இந்திய கலாசார மத்திய நிலையத்தில் இடம்பெற்றது. இந்த இசைக் கச்சேரிக்கு விஸாரத் பி.இசுரு தாரக பெரேரா - தபேலா இசையினையும், பி.ஏ.அமில மதுசங்க - வயலின் இசையினையும், விஸாரத் நளின் ஜினேந்திர அல்விஸ் - ஹார்மோனிய இசையினையும், நிரோஷா - தம்புரா இசையினையும் வழங்கினர்.

இலங்கையிலுள்ள இந்திய கலாசார மத்தியநிலையத்தின் புலமைப் பரிசில் மூலம் இந்தியாவின் பாத்கண்டே இசைப் பல்கலைக்கழகத்தில் கல்விகற்று வரும் சஞ்சய - இலங்கையின் முன்னணி கலைஞர்கள் பலரிடம் இசையினை முறைப்படி கற்றிருக்கிறார்.

இன்று இடம்பெற்ற இந்நிகழ்வில் இலங்கையிலுள்ள இந்திய கலாசார மத்திய நிலையத்தின் இயக்குநர் எம்.ராமச்சந்திரன் அறிமுகவுரை நிகழ்த்துவதையும் இசை நிகழ்வினை சஞ்சய நடத்துவதனையும் கலந்துகொண்ட பார்வையாளர்களையும் படங்களில் காணலாம். Pix: Nisal Baduge