கடைக்கு சென்றவர் சடலமாக மீட்பு

கிண்ணியா பொலிஸ்  பிரிவுக்குட்பட்ட, ஆலாங்கேணி பிரதேசத்தையும் பைசல் நகர் பிரதேசத்தையும்  இணைக்கின்ற  பாலத்தடியில்  இருந்து ஆண் ஒருவரின் சடலம்  செவ்வாய்க்கிழமை (20) இரவு மீட்கப்பட்டதாக பொலிஸார் தெரிவித்தனர்.

கிண்ணியா, மஹரூப் நகர், 3 ஆம்  வட்டாரத்தைச் சேர்ந்த ஐந்து பிள்ளைகளின் தந்தையான 60 வயதுடைய முஹம்மது லெப்பை  முபாரக் என்பவரே இவ்வாறு சடலமாக மீட்கப்பட்டுள்ளார் .

குறித்த நபர் செவ்வாய்க்கிழமை (20) மாலை 5 மணி அளவில்  கடைக்கு செல்வதாக மனைவியிடம் கூறி வெளியே சென்றுள்ளதுடன் இரவு 7 மணி அளவில்  சடலமாக மீட்கப்பட்டுள்ளார் .

இது தொடர்பான மேலதிக விசாரணைகளை பொலிஸார் மேற்கொண்டு வருகின்றமை குறிப்பிடத்தக்கது.