மோட்டார் சைக்கிள் விபத்தில் ஒருவர் பலி

மட்டக்களப்பு, கிரான் குளம் பிரதான வீதியில் வெள்ளிக்கிழமை(06)  மாலை இடம்பெற்ற மோட்டார் சைக்கிள் விபத்தில் நபர் ஒருவர் சம்பவ இடத்திலேயே பரிதாபமாக உயிரிழந்துள்ளார்.

உயிரிழந்தவர் கிரான் குளம் பிரதான வீதி தெற்கு பகுதியைச் சேர்ந்த, மூன்று பிள்ளைகளின் தந்தையான 68 வயதுடைய நபர் என அடையாளம் காணப்பட்டுள்ளார்.

மட்டக்களப்பு – கல்முனை பிரதான வீதியூடாக ஒரே திசையில் பயணித்த இரண்டு மோட்டார் சைக்கிள்கள் இவ்வாறு மோதி விபத்துக்குள்ளாகின.   

விபத்தின் போது குறித்த நபர்  தலைக்கவசம் அணிந்திருக்கவில்லை என தெரிவிக்கப்படுகிறது.

சம்பவம் தொடர்பான மேலதிக விசாரணைகளை காத்தான்குடி பொலிஸார் மேற்கொண்டு வருகின்றனர்.

 எம். எஸ். எம். நூர்தீன்