லொறி - டிப்பர் விபத்தில் ஒருவர் காயம்

லொறியும் டிப்பரும் நேருக்கு நேர் மோதி விபத்துக்குள்ளான சம்பவம் வாழைச்சேனை பொலிஸ் பிரிவுக்குட்பட்ட ரிதிதென்ன பிரதான வீதி, பஸ் டிப்போவுக்கு அருகாமையில் வியாழக்கிழமை (3) அன்று இடம்பெற்றுள்ளது.

கொழும்பிலிருந்து வந்த லொறியுடன் எதிரே வந்த டிப்பர் மோதியுள்ளதுடன் இதில், லொறி சாரதி காயமடைந்த நிலையில் பொலன்னறுவை வைத்தியசாலையில் அனுமதிக்கப்பட்டுள்ளார்.

இந்நிலையில், டிப்பரை செலுத்தி வந்த சாரதி விபத்து நடந்த இடத்தை விட்டு தப்பிச் சென்றுள்ளார்.

விபத்து தொடர்பான மேலதிக விசாரணைகளை வாழைச்சேனை பொலிஸார் மேற்கொண்டு வருகின்றனர்.

 எச்.எம்.எம்.பர்ஸான்