ஹெரோயினுடன் இளைஞன் கைது

அம்பாறை மாவட்டம்,  கல்முனை தலைமையக  பொலிஸ் பிரிவுக்குட்பட்ட தனியார் ஐஸ் வாடி பகுதியில் ஹெரோயின் போதைப் பொருளுடன் நடமாடிய இளைஞனை ஞாயிற்றுக்கிழமை(7)  இரவு   கல்முனை விசேட அதிரடிப் படையினர்  கைது செய்துள்ளனர்.

கல்முனை விசேட அதிரடிப்படை புலனாய்வு பிரிவினருக்கு  கிடைக்கப்பெற்ற  தகவலின் அடிப்படையில்  மேற்கொள்ளப்பட்ட சோதனை நடவடிக்கையின் போது கல்முனை  பகுதியைச் சேர்ந்த, 1 பிள்ளைகளின் தந்தையான 25 வயது மதிக்கத்தக்க சந்தேக நபர் ஹெரோயின்   போதைப் பொருளுடன் கைது செய்யப்பட்டுள்ளார்.

சந்தேக நபரிடம் இருந்து 740  மில்லிகிராம் ஹெரோயின்  போதைப் பொருள் மீட்கப்பட்டதுடன் சந்தேக நபர் உட்பட  சான்றுப்பொருட்கள்யாவும்  சட்ட நடவடிக்கைக்காக கல்முனை தலைமையக பொலிஸ் நிலையத்தில்     ஒப்படைக்கப்பட்டுள்ளது.

இது தொடர்பான மேலதிக விசாரணைகளை  கல்முனை விசேட அதிரடிப் படையினர் மேற்கொண்டு வருகின்றனர்.

பாறுக் ஷிஹான்