மேலும் 5 ஐ.தே.க. எம்.பிகள் அரசுக்கு ஆதரவளிப்பர் : ஏர்ல் குணசேகர

(இந்திக்க ஸ்ரீ அரவிந்த)

ஐ.தே.கவிலிருந்து மேலும் 5 நாடாளுமன்ற உறுப்பினர்கள் அரசியலமைப்புத் திருத்தத்திற்கு ஆதரவாக வாக்களிப்பர் என ஐ.தே.க. நாடாளுமன்ற உறுப்பினர் ஏர்ல் குணசேகர தெரிவித்துள்ளார்.

ஏற்கெனவே ஏர்ல் குணசேகர, லக்ஸ்மன் செனவிரட்ன, மனூஷ நாணயக்கார ஆகிய ஐ.தே.க. எம்.பிகள் அரசியலமைப்புத் திருத்தத்திற்கு ஆதரவாக வாக்களிக்கப் போவதாக  அறிவித்துள்ளமை குறிப்பிடத்தக்கது.

இந்நிலையிலும் மேலும் 5 எம்.பிகளின் ஆதரவைப் பெறுவதற்காக இரகசிய சந்திப்பொன்று நடைபெற்றுள்ளதாகவும் நாளை மறுதினம் புதன்கிழமை வாக்கெடுப்பின் பின் அவர்கள்  கூட்டாக செய்தியாளர் மாநாடொன்று நடத்தப்படும் எனவும் ஏர்ல் குணசேகர எம்.பி. கூறினார்.