அக்காவின் எலும்புக்கூட்டுடன் வந்த தம்பி : வெடித்தது சர்ச்சை

சகோதரியின் வங்கிக் கணக்கில் உள்ள பணத்தை பெறுவதற்கான ஆதாரமாக, ஒடிசாவைச் சேர்ந்த ஒருவர் அவரது எலும்புக்கூட்டைத் தோண்டியெடுத்துள்ளார். 

இந்த சம்பவம் தொடர்பாக விருதுநகர் நாடாளுமன்ற உறுப்பினர் மாணிக்கம் தாகூர், நிதியமைச்சர் நிர்மலா சீதாராமனுக்கு எதிராக பதிவு வெளியிட்டுள்ளார். 

நிதியமைச்சர் நடவடிக்கை எடுப்பாரா? இதற்குப் பொறுப்பான பொது மேலாளரை அவர் சஸ்பெண்ட் செய்வாரா? இந்த மனிதாபிமானமற்ற செயலுக்கு வங்கி மேலாளர் பொறுப்பேற்கச் செய்யப்படுவாரா? அல்லது வழக்கம் போல மௌனம் காக்கப்படுமா? என்று கேள்வி எழுப்பி உள்ளார்.

இந்தச் செய்தி வெறும் அதிர்ச்சியளிப்பது மட்டுமல்ல-மத்திய நிதியமைச்சர் திருமதி நிர்மலா சீதாராமன் அவர்களின் கண்காணிப்பில் நமது வங்கி நடைமுறை எந்த அளவிற்கு சீர்குலைந்துள்ளது என்பதையும் இது அம்பலப்படுத்துகிறது.

தனது சகோதரியின் இறப்பை நிரூபித்து, அவருக்குச் சேர வேண்டிய பணத்தைப் பெறுவதற்காக, ஒரு மனிதர் தனது சொந்தச் சகோதரியின் எலும்புக்கூட்டைத் தோண்டி எடுக்க வேண்டிய கட்டாயத்திற்குத் தள்ளப்பட்டிருக்கிறார்-இந்த அளவு கொடூரத்தை ஒரு அமைப்பு கோருகிறது என்றால் அது என்ன மாதிரியான நடைமுறை? இது "உரிய விசாரணை" அல்ல, இது மனிதத்தன்மையற்ற செயல். 

கடந்த சில ஆண்டுகளாக, வங்கிகள் செல்வந்தர்களுக்கு மென்மையான பாதைகளாக மாறிவிட்டன-பெரிய அளவிலான கடன்களைத் தள்ளுபடி செய்வதும், விதிகளையும் சட்டங்களையும் வளைப்பதும், செல்வாக்கு மிக்க கடனாளிகளைப் பார்த்தும் பார்க்காமல் விடுவதுமே வங்கிகளின் வேலையாகிவிட்டது. ஆனால் சாமானிய குடிமக்களுக்கு? முடிவே இல்லாத காகித வேலைகள், சந்தேகம், அவமானம், இப்போது இந்தத் திகிலூட்டும் சோதனையும் சேர்ந்திருக்கிறது. 

நிதியமைச்சர் நிர்மலா சீதாராமன் நடவடிக்கை எடுப்பாரா? இதற்குப் பொறுப்பான பொது மேலாளரை அவர் சஸ்பெண்ட் செய்வாரா? இந்த மனிதாபிமானமற்ற செயலுக்கு வங்கி மேலாளர் பொறுப்பேற்கச் செய்யப்படுவாரா? அல்லது வழக்கம் போல மௌனம் காக்கப்படுமா? ஏழு ஆண்டுகளுக்கும் மேலாக வங்கித் துறையை நிர்வாகக் கட்டுப்பாட்டில் வைத்திருந்தும், மேலிடத்தில் பொறுப்பு ஏற்றுக்கொள்ளப்படுவதற்கு முன்னால் இன்னும் எத்தனை இதுபோன்ற சம்பவங்கள் நடக்க வேண்டும்? பொறுப்புக்கூறல் என்பது ஒரு சார்புடையதாக இருக்கக்கூடாது. செல்வந்தர்களுக்காக மலைகளைக் கூட அசைக்கும் இந்த அமைப்பு, ஏழைகளை குறைந்தபட்சம் கண்ணியத்துடனாவது நடத்த வேண்டும்.

இது ஒரு வங்கியின் தோல்வி மட்டுமல்ல. இது அரசாங்கத்தின் தோல்வி" என்று கடுமையாக விமர்சித்துள்ளார். R