‘அதுக்கு’ புறா ஒருவர் கைது

புறாக்களைப் பயன்படுத்தி, போதைப்பொருள் வர்த்தகத்தில் ஈடுபட்டார் என்ற குற்றச்சாட்டில், அம்பலாந்தொட்டை, மெலேகொலனிய பிரதேசத்தைச் சேர்ந்த ஒருவர், பொலிஸாரால் கைது செய்யப்பட்டுள்ளார்.  

சந்தேகநபர், ஹெரோய்ன் போதைப்பொருள் அடங்கிய பக்கெட்டுகளை, புறாக்களின் சிறகுகள் மற்றும் கால்களில் மிகவும் சூட்சுமமாக மறைத்து வைத்தே, இந்த வர்த்தகத்தில் ஈடுபட்டுள்ளார் என்று, விசாரணைகளிலிருந்து தெரியவந்துள்ளது என்றும் பொலிஸார் தெரிவித்தனர். 

கைது செய்யப்பட்ட சந்தேகநபரிடமிருந்து ஹெரோய்ன் போதைப்பொருள் அடங்கிய ஆறு பக்கெட்டுகள் மற்றும் புறாக்கள் ஜோடியையும் கைப்பற்றியுள்ளதாகவும் பொலிஸார் தெரிவித்தனர்.  

சந்தேகநபரை, புறாக்களுடன் நீதிமன்றத்தில் ஆஜர்படுத்துவதற்கு நடவடிக்கை எடுக்கப்பட்டுள்ளது என்றும் பொலிஸார் தெரிவித்தனர்.