‘அரசியல்வாதிகளின் பெயர்களை அரச நிறுவனங்களுக்கு வைக்க முடியாது’

உயிருடன் இருக்கும் அரசியல்வாதிகளின் பெயர்களில் அரச நிறுவனங்களை பெயரிடும் நடவடிக்கை எதிர்காலத்தில் இடம்பெறாதென, தேர்தல்கள் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார்.

குறிப்பாக விளையாட்டு மைதானங்கள், பாடசாலைகள் உள்ளிட்ட அரச நிறுவனங்களுக்கு அரசியல்வாதிகளின் பெயர்களை வைப்பது சிறந்த விடயமல்ல எனத் தெரிவித்துள்ளார்.

சிங்கள வானொலி சேவையொன்றுக்கு வழங்கிய செவ்வியிலேயே அவர் மேற்கண்டவாறு தெரிவித்துள்ளார்.

3 மாதங்களுக்கு முன்னர், சகல அரசியல்கட்சிகளுக்கு அறிவித்தோம். 75 சதவீதமான அ​ரசியல் கட்சிகள் இதற்கு ஆதரவு தெரிவித்ததாகவும் மஹிந்த தேசப்பிரிய தெரிவித்துள்ளார்.