அரசாங்கத்துக்கு இரண்டு வார காலக்கெடு

மாலபேயில் உள்ள மருத்துவம் மற்றும் தொழில்நுட்பத்துக்கான தெற்காசிய நிறுவனம் (SAITM), இலங்கை-இந்திய வர்த்தக உடன்படிக்கை, அரச துறை சம்பந்தமான வரவு- செலவுத்திட்ட முன்மொழிவுகள் ஆகியவை தொடர்பான பிரச்சினைகளுக்கு தீர்வு காண, அரசாங்கத்துக்கு இரண்டு வார காலக்கெடுவை வழங்கியுள்ளதாக அரசாங்க மருத்துவ அதிகாரிகள் சங்கம், நேற்று (21) தெரிவித்துள்ளது.

அரசாங்கமானது மேற்கூறப்பட்ட பிரச்சினைகளை தீர்க்கத் தவறினால், நாட்டிலுள்ள ஏனைய தொழிற்சங்கங்களுடன் இணைந்து பாரிய தொழிற்சங்க நடவடிக்கையை எதிர்வரும் ஜனவரி மாத முதல் வாரத்தில் முன்னெடுக்கவுள்ளதாக அரசாங்க மருத்துவ அதிகாரிகள் சங்கம் எச்சரித்துள்ளது.