அறிக்கை மீதான ஒத்திவைப்பு வேளை விவாதம் இன்று

ஏப்ரல் 21 தாக்குதல் தொடர்பில் விசாரணை செய்த ஜனாதிபதி ஆணைக்குழுவின் இறுதி அறிக்கை தொடர்பில்  ஒத்திவைப்பு வேளை விவாதம் பாராளுமன்றத்தில் இன்று (10) இடம்பெறவுள்ளது.

சபாநாயகர் மஹிந்த யாப்பா அபேவர்தன தலைமையில்  பாராளுமன்ற அமர்வு முற்பகல் 10 மணிக்கு ஆரம்பமாகவுள்ளது.

முன்னதாக, இந்த அறிக்கை தொடர்பில் மூன்று நாள் விவாதத்தை முன்னெடுப்பதற்கு கட்சித் தலைவர்கள் கூட்டத்தில் இணக்கம் காணப்பட்டது.

இதனடிப்படையில், முதல் நாள் விவாதம் இன்று இடம்பெறவுள்ளதுடன்,  ஏனைய 2 விவாதங்களையும் எதிர்வரும் பாராளுமன்ற அமர்வுகளில் நடத்துவதற்கு தீர்மானிக்கப்பட்டுள்ளது.