இடமாறி இறங்கிய பராசூட்

-ஜே.ஏ.ஜோர்ஜ்

இலங்கையின் 69ஆவது சுதந்திர தின நிகழ்வு, கொழும்பு காலிமுகத்திடலில் இன்று காலை இடம்பெற்றது. இதன்போது, பாதுகாப்பு படைகளின் அணிவகுப்பு நடைபெற்றதுடன், பராசூட் வீரர்களின் சாகச நிகழ்வும் நெடைபெற்றது.

இதன்போது, சுமார் 10,000 அடி உயரத்திலிருந்தும் பராசூட் வீரர்கள் விமானத்திலிருந்து கீழே குதித்தனர். இவ்வாறு குதித்த வீரர்கள், சரியான இடத்தில் தரையிறங்கிய நிலையில், ஒரு வீரர் மாத்திரம்  இடமாறி இறங்கிவிட்டார்.

இறுதியாக தரையிறங்கிய வீரரே, கொழும்பு துறைமுகம் உள்ள பகுதியில் தரையிறங்கினார். அவரை மீட்க, படகுகளும் அம்பியூலன் வண்டிகளும் அனுப்பி வைக்கப்பட்டதை காணக்கூடியதாக இருந்தது.