இலங்கையின் இறையான்மைக்கு நிரந்தர ஒத்துழைப்பு

இலங்கையின் ஜனநாயகம், இறையான்மைக்கு நிரந்தரமாக ஒத்துழைப்பு வழங்குவதாக, அமெரிக்கா தெரிவித்துள்ளது.

இலங்கையின் 72ஆவது சுதந்திரத் தினத்தையொட்டி அமெரிக்காவின் இராஜாங்க செயலாளர் மைக்கல் பொம்பியோ அறிக்கையொன்றை வெளியிட்டே இதனைத் தெரிவித்துள்ளார்.

அத்துடன் நெருங்கிய நட்புறவு நாடு, பங்குதாரராக இலங்கையின் சுதந்திரத் தினத்துக்கு அமெரிக்கா வாழ்த்துவதாகவும் அவரது அறிக்கையில் தெரிவிக்கப்பட்டுள்ளது.

இலங்கை மக்களின் செழிப்பு, சமாதானம், பொருளாதாரம் ​அபிவிருத்தி, பாதுகாப்பு, ஜனநாயகம், மனித உரிமைகளை உறுதிப்படுத்தும் சுதந்திரத்துக்காக அர்ப்பணிப்புடனான நடவடிக்கைகளையும் முன்னெடுப்பதாக தெரிவிக்கப்பட்டுள்ளது.