இலங்கை அணி மீது தாக்குதல்: ஆயுததாரிகள் 4 பேர் கொல்லப்பட்டனர்

பாகிஸ்தானில் வைத்து 2009ஆம் ஆண்டு இலங்கை கிரிக்கெட் அணி மீது தாக்குதல் நடத்திய ஆயுததாரிகளில்4 பேர் இன்று ஞாயிற்றுக்கிழமை(28) அந்நாட்டு பொலிஸாரால் கொல்லப்பட்டுள்ளனர்.

மனாவ என்ற பிரதேசத்தில் பொலிஸாருக்கும் - ஆயுததாரிகளுக்கும் இடம்பெற்ற மோதலில் இவர்கள் கொல்லப்பட்டுள்ளனர்.

7 ஆயுததாரிகள் பொலிஸாருடன் மோதியதாகவும் பொலிஸார் மேற்கொண்ட துப்பாக்கிச் சூட்டில் 4 பேர் கொல்லப்பட்டதாகவும அந்நாட்டு தகவல்கள் தெரிவிக்கின்றன.

2009ஆம் ஆண்டு இலங்கை கிரிக்கெட் அணி மீது இடம்பெற்ற தாக்குதலில் 9 பேர் காயமடைந்திருந்தனர்.

லாகூர் நகரில் உள்ள கடாபி விளையாட்டு மைதானத்தில் நடைபெறவிருந்த போட்டியில் பங்கேற்கச் சென்ற இலங்கை கிரிக்கெட் அணி மீது இந்தத் தாக்குதல் மேற்கொள்ளப்பட்டிருந்தது.