எட்டு ரயில் சேவைகள் இரத்து

பொத்துஹெரையுக்கும் பொல்காவலைக்கும் இடையிலான ரயில் பாதையின் திருத்த வேலைகள் காரணமாக, இன்று இரவு சேவையில் ஈடுபட இருந்த எட்டு ரயில் சேவைகள் இரத்து செய்யப்பட்டுள்ளன.

இதற்கு அமைவாக கொழும்பு கோட்டையில் இருந்து காங்கேசந்துறை, மட்டக்களப்பு, தலைமன்னார் மற்றும் திருகோணமலைக்கிடையிலான சேவையில் ஈடுபடவிருந்த இரவு தபால் ரயில் சேவைகள் இரத்து செய்யப்பட்டுள்ளன.

இதற்கு மேலதிகமாக இந்த ரயில் நிலையங்களில் இருந்து கொழும்பு கோட்டைக்கு வரவுள்ள இரவு தபால் ரயில் சேவைகள் 4 இன்றைய தினம் சேவையில் ஈடுபடாது என்றும் தெரிவிக்கப்பட்டுள்ளது.

இதேவேளை நேற்று இரவு கொழும்பு கோட்டையில் இருந்து காங்கேசந்துறை நோக்கிச் சென்ற இரவு தபால் ரயில் ஓமந்தை புளியங்குளம் என்ற இடத்தில் யானையுடன் மோதியுள்ளது. இருப்பினும் ரயில் சேவைக்கு எந்தவித பாதிப்பும் ஏற்படவில்லை.