கடமையிலிருந்த பொலிஸை தாக்கிய சாரதி கைது

தெற்கு அதிவேக நெடுஞ்சாலையின், குருந்துகஹ- ஹெத்தெக்ம நுழைவுப் பாதையில் கடமையிலிருந்து பொலிஸ் அதிகாரியொருவரைத் தாக்கிய காரின் சாரதியொருவர் கைதுசெய்யப்பட்டுள்ளார்.

நேற்று (13) குறித்த நுழைவுப் பாதையூடாக கொழும்பு நோக்கிப் பயணிப்பதற்காக, காரின் சாரதியொருவர் முயற்சித்ததாகவும், இதன்போது  சாரதி ஆசனப்பட்டியை அணியாமைக் காரணமாக, அது குறித்து சாரதியை பொலிஸ் அதிகாரி அறிவுறுத்தியுள்ளார்.

இதனையடுத்தே கடமையிலிருந்து பொலிஸ் அதிகாரியை சாரதி தாக்கியதால், சாரதியை கைதுசெய்த பொலிஸார், அவரை எல்பிட்டிய பொலிஸ் நிலையத்தில் ஒப்படைத்தப் பின்னர். ஆவரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளது.