கிராண்ட்பாஸில் 6 ஆண்டுகளாகப் புதைந்திருந்த இரகசியம் அம்பலம்

மர்மமான முறையில் கொலை செய்யப்பட்டுப் புதைக்கப்பட்டதாகச் சந்தேகிக்கப்படும் தம்பதியரின் உடல்கள் வெல்லம்பிட்டிய பகுதியில் செவ்வாய்க்கிழமை  (24) அன்று  கண்டெடுக்கப்பட்டன.

இந்தக் கொலைகள் சுமார் 6 ஆண்டுகளுக்கு முன்பு நடந்திருக்கலாம் எனச் சந்தேகிக்கப்படுகிறது. கம்பிகொட்டுவ எஸ்டேட்டைச் சேர்ந்த தம்பதியர் காணாமல் போனதைத் தொடர்ந்து, அண்டை வீட்டுத் தம்பதியர் தகராறு காரணமாக இந்தக் குற்றத்தைச் செய்ததாகக் கிடைத்த தகவலின் பேரில், கிராண்ட்பாஸ் பொலிஸார் விசாரணையைத் தொடங்கினர். தற்போது, ​​அந்த இருவர் உட்பட மூன்று பேர் கைது செய்யப்பட்டுள்ளனர்.

கொலை செய்யப்பட்டவர்கள், சுனில் குமாரசிங்க மற்றும் காமன் டி சில்வா என்ற 62 வயது தம்பதியர் ஆவர். இந்தக் கொலைகள் 2020-ஆம் ஆண்டில் நடந்துள்ளன.

கிராண்ட்பாஸ் பொலிஸ் பொறுப்பதிகாரி கித்சிறி குமாரவின் அறிவுறுத்தல்களின் பேரில் விசாரணைகள் நடத்தப்பட்டு வருகின்றன.