கொரோனா வைரஸ் பாதிப்பு 20 இலட்சத்தை எட்டவுள்ளது

உலகில் கொவிட் 19 வைரஸால்  பாதிக்கப்பட்டோரின் எண்ணிக்கை 20 இலட்சத்தை எட்டவுள்ளது. இதற்கமைய, இதுவரை குறித்து தொற்றினால் 1,924,679  பேர் பாதிக்கப்பட்டுள்ளனர்.

அத்துடன், குறித்த வைரஸ் தாக்கத்தால் உலகில் 119,692 பேர் உயிரிழந்துள்ளனர்.  இதில் அதிக உயிரிழப்புகளை சந்தித்து வரும் நாடாக அமெரிக்கா முதலிடத்தில் உள்ளது.

இதற்கமைய, அமெரிக்காவில் 23,640 பேர் உயிரிழந்துள்ளனர். இதேவேளை, இத்தாலியில் கொவிட் 19 தொற்றால் பலியானோரின் எண்ணிக்கை 20 ஆயிரத்தை தாண்டியுள்ளது. இத்தாலியில் இதுவரை 20,465 பேர் உயிரிழந்துள்ளமை குறிப்பிடத்தக்கது.