கொலைக் குற்றச்சாட்டில் இருவர் கைது

அத்துருகிரியப் பிரதேசத்தில் அமைந்துள்ள அழகுக்கலை நிலையமொன்றில், கடந்த ஜனவரி மாதம் 17ஆம் திகதி இடம்பெற்ற கொலையுடன் தொடர்புடைய குற்றச்சாட்டில் இருவர் கைதுசெய்யப்பட்டுள்ளதாகப் பொலிஸ் தலைமையகம் தெரிவித்தது.

29 மற்றும் 24 வயதுடைய குறித்த சந்தேகநபர்கள் இருவரும், மிரிஹான பொலிஸ் விசேட புலனாய்வுப் பிரிவினரால் நேற்றுக் (03) கைதுசெய்யப்பட்டுள்ளனர்.

மோட்டார் சைக்கிள், அலைபேசி மற்றும் சிம் ஆகியவற்றையும் சந்தேகநபர்களிடமிருந்து பொலிஸார் கைப்பற்றியுள்ளனர்.

சந்தேகநபர்களை, கடுவலை நீதவான் நீதிமன்றத்தில் இன்று (04) ஆஜர்படுத்துவதற்கான நடவடிக்கை எடுக்கப்பட்டுள்ளதாகவும் பொலிஸ் தலைமையகம் மேலும் தெரிவித்தது.