சொத்துக்கள் கேள்விக்கு ஊமையான ஹந்துன்நெத்தி

ஜனாதிபதி அனுரகுமார திசாநாயக்க தலைமையிலான தேசிய மக்கள் சக்தி அரசாங்கத்தின் அமைச்சர்கள், பிரதியமைச்சர்கள் மற்றும் பாராளுமன்ற உறுப்பினர்கள் தங்களுடைய சொத்து விபரங்களை சமர்ப்பித்து வருகின்றனர். இதில், சிலரினால் சமர்ப்பிக்கப்பட்டுள்ள சொத்துக்கள் தொடர்பில் பொதுவெளியில் சர்ச்சைகள் கிளம்பியுள்ளன.

இந்நிலையில், சொத்துக்கள் தொடர்பிலான கேள்விகளுக்கு பதிலளிக்காமல், அமைச்சர் சுனில் ஹந்துன்நெத்தி ஊமையான ச​ம்பவமொன்று இடம்பெற்றுள்ளது.  

தனது சொத்துக்கள் குறித்து தன்னிடம் கேள்விகள் கேட்பது புத்திசாலித்தனம் அல்ல என்று கைத்தொழில் மற்றும் தொழில்முனைவோர் மேம்பாட்டு அமைச்சர் சுனில் ஹந்துன்நெத்தி பதிலளித்தார்.

தெரண 360 நிகழ்ச்சியில் திங்கட்கிழமை (22)  பங்கேற்றபோது அவர் இவ்வாறு கூறினார்.

  சுனில் ஹந்துன்நெத்தி பின்வருமாறு கூறினார்.

உங்கள் கேள்விக்கு நான் பதிலளிக்கலாம் அல்லது பதிலளிக்காமல் போகலாம். இதை இங்கே விசாரிப்பது எங்களுக்கு நியாயமில்லை. நாட்டில் ஒரு சட்டம் உள்ளது. லஞ்சம் அல்லது ஊழல் குற்றச்சாட்டுகளை விசாரிக்கும் இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழுவிடம்  இந்த சொத்து பதிவுகளை பகிரங்கப்படுத்தியுள்ளது, நீங்கள் அவர்களை தெருவில் சந்திக்கும் போது கேள்வி கேட்கக்கூடாது.

இது குறித்து யாருக்காவது கேள்வி இருந்தால், அவர்கள் இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழுவுக்கு  எழுதி விசாரிக்கலாம். இதற்கு என்னால் பதிலளிக்க முடியாது என்பதல்ல.

இந்த கட்டத்தில்,   ஹந்துன்நெத்திக்கும் தொகுப்பாளர் கலிந்து கருணாரத்னவுக்கும் இடையே ஒரு சூடான வார்த்தைப் பரிமாற்றத்தைக் காணலாம்.

தொகுப்பாளர்:நான் உங்களை தெருவில் சந்திக்கவில்லை.

இது ஒரு தொலைக்காட்சி நேர்காணல். மக்கள் பார்த்துக் கொண்டிருக்கிறார்கள். கேள்விகள் கேட்க எனக்கு உரிமை உண்டு. நீங்கள் விரும்பினால் அமைதியாக இருக்கலாம்.

நீங்கள் சொத்துக்கள் மற்றும் பொறுப்புகளை சமர்ப்பித்த விதத்தின் நம்பகத்தன்மையில் சிக்கல் உள்ளது. சொத்துக்கள் மற்றும் பொறுப்புகள் சட்டத்தை நீங்கள் கேலிக்குரிய முறையில் முன்வைத்திருப்பதும் தெளிவாகிறது.

ஹந்துன்நெத்தி: இதுபோன்ற கேள்விகளை நீங்கள் கேட்பது தவறு. இதற்காக நாட்டில் ஒரு அமைப்பு உள்ளது.

தொகுப்பாளர்: உங்களிடம் 47 பேர்ச் சொத்து உள்ளது. அந்த நிலம் கையகப்படுத்தப்பட்ட விதம் மற்றும் அதன் மதிப்பு சொத்துக்கள் மற்றும் பொறுப்புகள் அறிவிப்பில் சேர்க்கப்படவில்லை.

சுனில் ஹந்துன்நெத்தி  : அதில் ஏதேனும் சிக்கல் இருந்தால், நீங்கள் புகார் அளிக்கலாம் என்றார்.