சாமரவுக்குப் பிணை

அரச நிதியை துஷ்பிரயோகம் செய்ததாக இலஞ்சம் மற்றும் ஊழல் சாத்துதல்களைப் புலனாய்வு செய்யும் ஆணைக்குழுவால் தாக்கல் செய்யப்பட்ட வழக்கு தொடர்பாக பதுளை மாவட்ட பாராளுமன்ற உறுப்பினர் சாமர சம்பத் தசநாயக்க பதுளை நீதவான் நீதிமன்றத்தால் 02 சரீரப் பிணைகளில் விடுவிக்கப்பட்டுள்ளார். 

01 மில்லியன் ரூபாய் முறைகேடு தொடர்பாக தாக்கல் செய்யப்பட்ட வழக்கு தொடர்பாக, பதுளை நீதவான் நீதிமன்றம் பாராளுமன்ற உறுப்பினரை தலா ரூ. 01 மில்லியன் மதிப்புள்ள இரண்டு சரீரப் பிணைகளில் விடுவித்தது.

பாராளுமன்ற உறுப்பினர் சாமர சம்பத் தசநாயக்க, கடந்த மார்ச் 27 ஆம் திகதி, இராஜாங்க அமைச்சராக இருந்த காலத்தில் சுமத்தப்பட்ட 03 தனித்தனி ஊழல் குற்றச்சாட்டுகளின் பேரில், இலஞ்சம் மற்றும் ஊழல் சாத்துதல்களைப் புலனாய்வு செய்யும் ஆணைக்குழுவால் கைது செய்யப்பட்டார்.

இரண்டு ஊழல் குற்றச்சாட்டுகளுக்காக அவர் விளக்கமறியலில் ​ வைக்கப்பட்டார், அதே நேரத்தில் ஒரு ஊழல் குற்றச்சாட்டுக்கு அவருக்கு பிணை வழங்கப்பட்டது. 

ஒரு குற்றச்சாட்டு, மாகாண சபையின் நிலையான வைப்புத்தொகையிலிருந்து ஒரு அரச வங்கியில் ரூ. 01 மில்லியனை முறைகேடாகப் பயன்படுத்தியதாகக் கூறப்பட்டது.

இரண்டாவது குற்றச்சாட்டு, அரசு வங்கியில் வைத்திருந்த நிலையான வைப்புத்தொகையை திரும்பப் பெற்றதன் மூலம் அரசுக்கு ரூ. 23 மில்லியன் இழப்பை ஏற்படுத்தியதாகக் கூறப்பட்டது.