சாரதியின் ஆசனத்திலிருந்து சடலம் மீட்பு

அத்துருகிரிய – சந்தோரிஸ் ஜயந்தி மாவத்தையில் நிறுத்தி வைக்கப்பட்டிருந்த காரிலிருந்து சடலமொன்று மீட்கப்பட்டுள்ளது.

பொலிஸாருக்கு இன்று (05) அதிகாலை கிடைக்கப்பெற்ற தகவலொன்றின் அடிப்படையில் அங்கு விரைந்த பொலிஸாரால், குறித்த காரின் சாரதியின் ஆசனத்திலிருந்து சடலம் மீட்கப்பட்டுள்ளது.

உயிரிழந்த நபர் மாலபே பிரதேசத்​தைச் சேர்ந்த 48 வயதுடையவர் எனத் தெரிவித்த பொலிஸார், இச்சம்பவம் குறித்து மேலதிக விசாரணைகளை முன்னெடுத்து வருவதாகவும் மேலும் தெரிவித்தனர்.